Адкрыты фестываль «Жыровіцкае свята»
Пра падзею
Адкрыты фестываль «Жыровіцкае свята» прайшоў 19 мая 2024 года напярэдадні дня Жыровіцкай іконы Божай Маці. Пачатак прызначылі на 12:30 пасля нядзельнай Боскай літургіі. На стадыёне Жыровіцкага дзяржаўнага аграрна-тэхнічнага каледжа выступалі харавыя, вакальныя і вакальна-інструментальныя калектывы з розных рэгіёнаў Беларусі з духоўнымі і патрыятычнымі творамі. Працавалі выстава-продаж прадукцыі манастырскіх падворкаў і вырабаў ручной працы, майстар-класы па пляценні паясоў, вышыўцы і саломапляценні. Спецыяльным госцем быў Заслужаны калектыў Рэспублікі Беларусь — Ансамбль песні і танца ўнутраных войскаў МУС.
Дата
19 мая 2024 г.
Месцазнаходжанне
Гродзенская вобласць, Слонімскі раён, аг. Жыровічы, стадыён Жыровіцкага дзяржаўнага аграрна-тэхнічнага каледжа
Арганізатар
Навагрудская епархія Беларускай Праваслаўнай Царквы; аддзел культуры Слонімскага райвыканкама; ДУК «Слонімскі раённы цэнтр культуры, народнай творчасці і рамёстваў» / філіял «Жыровіцкі цэнтр культуры»; Свята-Успенскі Жыровіцкі стаўрапігіяльны мужчынскі манастыр