Музычны фестываль «Мінская вясна»

Пра падзею

XXXIX музычны фестываль «Мінская вясна — 2024» праходзіў у Беларускай дзяржаўнай філармоніі з 7 красавіка да 31 мая і быў прысвечаны 80-годдзю вызвалення Беларусі. Афіцыйная праграма ўключала больш за 20 канцэртаў у Вялікай канцэртнай зале і Малой зале імя Р. Шырмы з удзелам вядучых калектываў Белдзяржфілармоніі, лаўрэатаў міжнародных конкурсаў, вядомых музыкантаў і творчай моладзі. Фестываль адкрыўся 7 красавіка аўтарскім вечарам Аляксандры Пахмутавай, а завяршыўся 31 мая канцэртам «Дыялог пакаленняў».