Фестываль-кірмаш «Гродзенскія традыцыі да свята Вялікадня»

Пра падзею

Велікодны фестываль-кірмаш народных промыслаў прайшоў у Гродне 27 красавіка 2024 года ўжо дзявяты раз. Больш за сто майстроў народнай творчасці з 17 раёнаў Гродзенскай вобласці і Гродна, а таксама рамеснікі з іншых рэгіёнаў Беларусі прадставілі вырабы ручной работы. Сярод тавараў былі саламяныя кошыкі, велікодныя вербы, драўляныя лыжкі, вырабы з лазы, карціны з атласных стужак і ўпрыгожаныя яйкі. У праграму таксама ўвайшлі рамесныя майстар-класы, гульні і выступленні фальклорных калектываў.