Абрад заклікання вясны «Чырачка»

Пра падзею

Традыцыйны абрад заклікання вясны «Чырачка» прайшоў у Тонежы 17 сакавіка 2024 года, у апошні дзень Масленіцы. Удзельнікі клікалі вясну, вадзілі карагоды, гулялі ў народныя гульні, спявалі абрадавыя песні і частавалі гасцей печывам у форме качанят. У мясцовай традыцыі «чырачкамі» называюць чыркоў — птушак, якія лічацца прадвеснікамі вясны. На заканчэнне свята спалілі пудзіла Зімы і па традыцыі каталіся з гары. Абрад мае статус нематэрыяльнай гісторыка-культурнай каштоўнасці Беларусі.