Калядны абрад «Цары»

Пра падзею

Унікальны калядны абрад вёскі Семежава спалучае народную драму, шэсце пераапранутых удзельнікаў і калядна-навагоднія традыцыі. Юнакі ў вобразах «цароў» абыходзяць дамы і разыгрываюць сцэны з драмы «Цар Максіміліян»; увечары шэсце асвятляюць паходні. Абрад праводзяць у Шчодры вечар, у ноч з 13 на 14 студзеня. З 2009 года абрад «Калядныя цары» ўключаны ЮНЕСКА ў Спіс нематэрыяльнай культурнай спадчыны, якая мае патрэбу ў тэрміновай ахове.